因為醫藥費好貴，當自己和家人有病時，當然唔希望為錢煩惱，例如要加大卡數的額度或者問親人借錢先去找醫院的費用，等到保險有賠償後，再還番比佢地，成件事會有啲麻煩，所以先會有 「入院免按金，出院免找數」Cashless Hospitalisation 的服務。
例如通波仔私家醫院埋單費用是HK$150,000，如果本身買左 HK$0 墊底費的Plan，一般來講自己不會需要比錢出來，就享用到私家醫院服務；但如果買左 HK$50,000 墊底費的Plan，一般來講你會在入院前，自己比左HK$50,000先，出院後就由保險公司替你找埋尾數，即是其餘HK$100,000。
當你被通知要入院，就要即時打比我地，我地會通知保險公司，佢地會替你落案先，然後會有護士團隊的人去跟進你的個案，跟住佢地會比個最新版本的「入院免按金，出院免找數」申請表，我地會先替你填基本的個人資料，例如保單號碼，姓名，電話，身份證等，再Print出來交由醫生填寫內容，然後簽名蓋章，再交回保險公司，佢地會出張 Guarantee Of Payment, GOP，你入院時帶埋 GOP 去，做手術，出院免找數。
申請「入院免按金，出院免找數」一般有以下 2 份文件，就是 GOP 申請表及相關醫療報告。
- 住院付款保證信申請書 (GOP Payment Application Form, GOP)
必需填寫繳付差額費用之信用卡授權書部份，不一定是保單持有人、受保人，可以是家屬的信用卡，只收VISA/Master，不接受銀聯及AE
必需填寫病發日期，即首次出現病徵日期，例如頭痛、氣促等，如果早過保單生效或在等候期內，就會變成不保事項
必需填寫手術費用，可額外用白紙或診所信紙或保險公司Supplementary Form 補充預計手術費用，包括副刀費用，麻醉費用等，可以參考各自醫院的報價單
必需填寫入住病房的級別，是普通病房(又稱大房)、半私家病房、私家病房或者更高級別的病房
- 相關醫療報告
由保險公司醫生護士團隊確認有否醫療需要，例如通波仔的電腦斷層心臟血管造影CT血管狹窄50%或以上。
通常在入院 1-2 星期前申請，GOP 可以收 Soft copy，經電郵或 Fax 比保險公司，預計 3-5 工作天批核，視乎醫生交的資料是否足夠，如果不足夠，來來回回的溝通會延遲批核；批核 GOP 後有些保險公司會暫時收取信用卡 HK$500 按金，待索償完成後便會取消按金。通常GOP會由保險公司直接給醫院，但強列建議客人將 GOP 列印出來，在入院當天帶去給醫院，醫院可能因為行政問題收唔到。
如果未批GOP，但已經入院，都可以照申請GOP，視乎批核進度，如到出院時已批，客人都不用比出院的餘下費用，否則客人便要 Pay & Claim。
如果本身個 Plan 沒有包括陪床費用，但受保人家屬仍想陪床，建議詢問醫院可否分單出，如果不能分單，請留意陪床費用是不會計算在墊底費中。
最後「入院免按金，出院免找數」批核團隊只是根據醫生的醫療報告睇是否有醫療需要，及表格上一般資料是否填寫正確，如無意外3-5工作天就會批核。就算批核成功，不代表「過左海就係神仙」，如果投保人在投保申請上遺漏申報重要事實，有機會出院後被理賠部「追回」賠償金額。
（本篇文章是由本站編輯將有關保險書本的讀後感、工作上經驗及網上資料整理而成，提供的資料可以作為參考，一切以保單條款為準，對於內容而引致損失及損害概不負責；同時文章未經作者同意，禁止轉載。）
文字 Samuel Lui
圖片 Unsplash
